70 خبر

تاريخ النشر: 12.10.2024 | 15:30 GMT

بكلمات مؤثرة.. شاب لبناني يرثي خطيبته التي قتلتها إسرائيل في يوم زفافهما المفترض (صور)

بكلمات مؤثرة، رثى شاب لبناني خطيبته التي قتلتها إسرائيل مؤخرا، وأهداها باقة ورود في اليوم الذي كان مقررا فيه زفافهما، ما أثار تفاعلا كبيرا.

وفي حسابه على منصة "إكس"، كتب الشاب حسين القاضي راثيا خطيبته: "صباحو يا رزقة.. اليوم كان عرسنا، كنت حابب إلبس البدلة وروح زورك وزفّك انت وبقبرك وباركلك يا عروسة الجنّة.. بس البدلة راحت مع البيت.. حتى البدلة راحت معك.. بقي بس القميص يا عمري.. مسحت عنو الغبرة.. ورح يبقى بخزانتي لآخر عمري".

إقرأ المزيد

الصحة اللبنانية تعلن حصيلة ضحايا الغارات الإسرائيلية خلال 24 ساعة

وأضاف: "جوجو (خطيبته) يا عمري.. برمت كل المنطقة كنت بدي جبلك أجمل بوكيه ورد يا عروس.. بس ما لقيت ولا محل فاتح.. رحت عالضيعة وبرمت بيوت عيلتنا بيت بيت حتى إجمعلك هالباقة.. يالله.. الله بعينك ذوقي وبتعرفيه هيي ما بتليق فيكي بس متل ما بحياتك تعودنا نقول هيدا الموجود والحمدلله.. حتى بغيابك هيدا الموجود.. وأكيد ورودك بالجنة أجمل".

وتابع: "اشتقتلك يا عروس.. فكر الإسرائيلي رح يكسرني اذا أخدك مني انت وأهلي.. بس ما فشروا؟! فاقدلك إي بس وحياة حبّنا مش رح انكسر.. ومهرك رح يكون نصر يا قلبي..".

وأثار هذا المنشور تفاعلا كبيرا على مواقع التواصل الاجتماعي في لبنان، حيث تداوله عدد كبير من النشطاء، معربين من أسفهم على وفاة العروس، كما هنأ بعضهم الشاب بـ"استشهادها".

وكتب أحدهم معلقا: "هنيئا هنيئا.. عظم الله أجرك وانشالله عرسكن بالجنة أجمل يا رب"، وأضاف آخر: "الله يصبرك.. وهنيئا إلها عروس بالجنة إن شاء لله".

وكان الشاب قد نعى في وقت سابق 17 فردا من أسرته قضوا في غارة إسرائيلية استهدفت منزلهم شرقي لبنان.

المصدر: RT